له‌گه‌ڵ هاتنی وه‌رزی گه‌رمادا گه‌شتیارێکی زۆری رویان له‌ناوچه‌ گه‌شتیارییه‌کانی قه‌زای سۆران کردوه‌، هاوکات قوربانی و روداوه‌کانی خنکانیش رویان له‌زیادبون کردوه‌و دوێنی هه‌ینی هاوڵاتیه‌کی دانیشتوی شاری که‌رکوک له‌گه‌لی عه‌لی به‌گ خنکا.

موقه‌ده‌م عوسمان مه‌مه‌ده‌ ره‌ش، به‌ڕێوه‌به‌ری‌ به‌رگری‌ شارستانی‌ سۆران به‌(سبه‌ی) راگه‌یاند: پاشنیوه‌ڕۆی‌ دوێنێ (هه‌ینی) له‌روداوێکی خنکان له‌گه‌لی عه‌لی به‌گ ئاگادارکراینه‌وه‌و ده‌ستبه‌جێ تیمه‌کانمان گه‌یشتنه‌ شوێنی روداوه‌که‌، که‌ هاوڵاتییه‌ک بو به‌ناوی (موسلیم کامل) دانیشتوی شاری که‌رکوک به‌هۆی مه‌له‌کردن له‌ئاوه‌که‌دا خنکاوه‌.
وتیشی: دوای هه‌وڵێکی زۆرو چوار سه‌عات گه‌ڕان به‌دوای ته‌رمه‌که‌یدا، توانیمان ته‌رمه‌که‌ی بدۆزینه‌وه‌و پاش ئه‌نجامدانی رێگا یاساییه‌کان راده‌ستی خانه‌واده‌که‌یمان کرده‌وه‌.
له‌سه‌ره‌تای هاتنی وه‌رزی گه‌رماو له‌ماوه‌ی دو مانگی رابردودا 7 که‌س له‌روباری گه‌لی عه‌لی به‌گ خنکاون، هه‌فته‌ی رابردوش هاوڵاتییه‌کی دیکه‌ی ئه‌و شاره‌ له‌هه‌مان روباردا خنکا.

F. SBEIY