ئه‌مڕۆ 22-7 له‌باره‌گای كۆمیته‌ی پارێزگای كه‌ركوكی حزبی شیوعی كوردستان كۆبونه‌وه‌یه‌كی هاوبه‌شی حزب و لایه‌نه‌ سیاسییه‌ كوردستانیه‌كان له‌شاری كه‌ركوك به‌ڕێوه‌چوو.

له‌كۆبونه‌وه‌كه‌دا باس له‌یادی دوو ساڵه‌ی پیلانی سه‌رانی گروپی 22 ی ته‌مموز ده‌رهه‌ق به‌خه‌ڵكی كوردستان و شاری كه‌ركوك به‌تایبه‌تی كراو حزب و لایه‌نه‌ سیاسییه‌ كوردستانیه‌كان ئیدانه‌ی ئه‌و پیلانه‌یان كردو به‌پیلانێكی ناڕه‌وا وه‌سفیان كردو ته‌ئكیدیان له‌سه‌ر خه‌بات و تێكۆشانی خه‌ڵكی كوردستان به‌هه‌موو هێزو لایه‌نه‌كانیه‌وه‌ له‌دژی دووباره‌ بوونه‌وه‌ی ئه‌و جۆره‌ پیلانانه‌ له‌داهاتووشدا كرده‌وه‌.
له‌ته‌وه‌رێكی تری كۆبونه‌وه‌كه‌دا باس له‌پێویستی رێكخستنی مه‌راسیمی تایبه‌ت بۆ یادكردنه‌وه‌ی شه‌هیدانی خۆپیشاندانه‌كه‌ی 28 ی ته‌مموز كرا كه‌ له‌پێناو به‌دیهێنانی كوردستانیه‌تی كه‌ركوك شه‌هیدبوون، له‌وباره‌یه‌وه‌ بڕیار له‌سه‌ر پێكهێنانی چه‌ند لیژنه‌یه‌ك درا بۆ هه‌ماهه‌نگی كردن له‌باره‌ی میكانیزمی رێكخستنی ئه‌و مه‌راسیمه‌ له‌شاری كه‌ركوك.

F. PUKmedia