سه‌رچاوه‌یه‌ك له‌ پۆلیسی كه‌ركوك رایگه‌یاند: شه‌وی رابردوو 21/22-7 له‌ ئاكامی هێرشێك بۆ سه‌ر ئۆتۆمبێلێك له‌ ناوجه‌رگه‌ی شاری كه‌ركوك وتارخۆینی مزگه‌وتێك و هاووڵاتیه‌ك شه‌هیدكران.

سه‌رچاوه‌كه‌ راشیگه‌یاند كه‌ چه‌ند چه‌كدارێكی نه‌ناسراو له‌ ناو ئۆتۆمبێلێكی جۆری BMW هه‌ڵیان كوتاوه‌ته‌ سه‌ر ئۆتۆمبێلێكی ترو گوللـه‌بارانیان كردووه‌ له‌ئاكامدا بووه‌ته‌هۆی شه‌هیدبوونی ئه‌و دوو كه‌سه‌.
وتیشی: دواتر بكوژه‌كان بۆ شوێنێكی نادیار هه‌ڵهاتوون و ده‌ستبه‌جێ پۆلیسی فریاكه‌وتن گه‌یشتۆته‌ شوێنی روداوه‌كه‌وه‌ و ته‌رمه‌كان ره‌وانه‌ی نه‌خۆشخانه‌ كراون.

F. PUKmedia