مسعود بارزانی‌ سه‌رۆكی‌ هه‌رێمی‌ كوردستان، له‌گه‌ڵ عه‌بدولره‌حمان مسته‌فا پارێزگاری‌ كه‌ركوك، كۆبووه‌وه‌.

دوای شه‌ش مانگ له‌كاركه‌وتنی وێستگه‌ی كارۆگازی تازه‌، دوێنێ 26/8 ئه‌و وێستگه‌یه‌ له‌لایه‌ن كۆمپانیای سێمنسی ئه‌ڵمانیه‌وه‌ كه‌ تایبه‌ت به‌چاككردنی ئه‌و وێستگه‌یه‌ چووبوونه‌ شاری كه‌ركوك، به‌شێوه‌یه‌كی ئه‌زمونی خرایه‌وه‌ كار.

پڕۆژه‌ی پتڕۆدولار له‌ كه‌ركوك ده‌كه‌وێته‌ بواری جێبه‌جێكردنه‌وه‌. ئه‌ندامیكی ئه‌نجوومه‌نی پارێزگای كه‌ركوك ته‌ئكید له‌وه‌ ده‌كاته‌وه‌، ئه‌و پاره‌یه‌ قۆناغ به‌قۆناغ خه‌رجده‌كرێت.
پاش ئه‌وه‌ی ڕه‌زامه‌ندی له‌سه‌ر خه‌رجكردنی بڕی نیو دۆلار له‌هه‌ر به‌رمیله‌ نه‌وتێكی كه‌ركوك دراو وبڕیاره‌كه‌ش چووه‌ قۆناغی جێبه‌جێكردنه‌وه‌، قۆناغی یه‌كه‌می پاره‌ی نه‌وتی كه‌ركوك بۆ چاككردنی گه‌ڕه‌كه‌كان ده‌ستی پێكرد. ئه‌ندامیكی ئه‌نجوومه‌نی پارێزگای كه‌ركوك له‌سه‌ر كوتله‌ی برایه‌تی ته‌ئكید له‌وه‌ ده‌كاته‌وه‌، كه‌ ئه‌و پاره‌یه‌ قۆناغ به‌قۆناغ خه‌رجده‌كرێت نه‌ك به‌یه‌كجار.

دوای ئه‌وه‌ی له‌مانگی شوباتی ئه‌مساڵ به‌بڕیارێكی سه‌رۆكی ئه‌نجومه‌نی وه‌زیرانی حكومه‌تی عیراق، هه‌ر خانوویه‌ك به‌ته‌جاوز دروست بكرێت له‌سه‌رجه‌م شارو شارۆچكه‌كانی عیراق ده‌بێت بڕوخێنرێت، ئه‌و بڕیاره‌ 380 خانووی ته‌جاوزی ناحیه‌ی قه‌ره‌ته‌په‌ ده‌گرێته‌وه‌، بۆیه‌ شاره‌وانی ناحیه‌كه‌ش چاوه‌ڕوانی سه‌رووی خۆی ده‌كات بۆ جێبه‌جێكردنی بڕیاره‌كه‌.

هێرشێكی چه‌كداریی بۆ سه‌ر ماڵێك له‌كۆمه‌ڵگایه‌كی نزیك شاری كه‌ركوك، 4 كوژراوو برینداری لێده‌كه‌وێته‌وه‌.
عه‌مید سه‌رحه‌د قادر به‌ڕێوه‌به‌ری پۆلیسی قه‌زاو ناحیه‌كانی كه‌ركوك بۆ PUKmedia ی روونكرده‌وه‌: شه‌وی رابردوو 26/27-8 چه‌ند چه‌كدارێكی نه‌ناسراو هه‌ڵیانكوتاوه‌ته‌ سه‌ر ماڵێك له‌كۆمه‌ڵگای یه‌رموك له‌باشوری شاری كه‌ركوك و منداڵێكی 10 ساڵانیان كوشتووه‌و سێ كه‌یشی تریشیان برینداركردووه‌و دواتر هه‌ڵاتوون.
به‌ڕێوه‌به‌ری پۆلیسی قه‌زاو ناحیه‌كان ئاماژه‌ی به‌وه‌ش كرد كه‌ لێكۆڵینه‌وه‌ له‌ڕووداوه‌كه‌ ده‌ستیپێكردووه‌.

له‌سه‌ره‌تای بڕیاردان له‌ئه‌نجامدانی سه‌رژمێری گشتی دانیشتوانی عیراق، گروپه‌ عه‌ره‌بی و توركمانییه‌كان له‌كه‌ركوك به‌یه‌كده‌نگی له‌ ملاملانێی ئه‌وه‌دان كه‌ ئه‌و پرۆسه‌یه‌ له‌شاری كه‌ركوك ئه‌نجام نه‌درێت، بۆ ئه‌و مه‌به‌سته‌ش تائێستا به‌یانامه‌یه‌ك و كۆنگریه‌كی رۆژنامه‌نوسی هاوبه‌شیان ئه‌نجامداوه‌، به‌ڕێوه‌به‌ری ئاماری كه‌ركوكیش ته‌ئكید له‌وه‌ ده‌كاته‌وه‌ كه‌پرۆسه‌كه‌ ئه‌نجامده‌درێت.

وته‌بێژی‌ فه‌رمانده‌یی‌ گشتی‌ هێزی‌ پێشمه‌رگه‌ی‌ كوردستان، رایگه‌یاند له‌پێناو ئارامی‌‌و ئاسایشی‌ ناوچه‌ كێشه‌ له‌سه‌ره‌كان باشتر وایه‌ لایه‌نه‌ په‌یوه‌ندیداره‌كان پێش كشانه‌وه‌ی‌ هێزه‌كانی‌ ئه‌مه‌ریكا ماده‌ی‌ 140ی‌ ده‌ستوری‌ جێبه‌جێبكه‌ن.

 لیوا جه‌بار یاوه‌ر، به‌سایتی‌ ئاوێنه‌ی‌  راگه‌یاند ئه‌گه‌رچی‌ به‌شێكی‌ زۆر له‌كاره‌ دیبلۆماسییه‌كانی‌ وڵاتی‌ ئه‌مه‌ریكا ئۆفیسیان له‌ناوچه‌ كێشه‌ به‌سه‌ره‌كان ده‌مێنێته‌وه‌، به‌ڵام له‌گه‌ڵ ئه‌وه‌شدا واباشتره‌ پێش كشانه‌وه‌ی‌ سوپای‌ ئه‌مه‌ریكا مادده‌ی‌ 140ی‌ ده‌ستوری‌ جێبه‌جێ‌ بكرێت.

هێزه‌كانی بنكه‌ی پۆلیسی ئازادی له‌ پارێزگای كه‌ركوك رفێنراوێك ئازاد ده‌كه‌ن ‌و هه‌ردو رفێنه‌ره‌كه‌شی ده‌ستگیر ده‌كه‌ن.
عه‌قید بێستون خه‌فاری، به‌ڕێوه‌به‌ری بنكه‌ی پۆلیسی ئازادی له‌ پارێزگای كه‌ركوك به‌ (سبه‌ی) رایگه‌یاند: شه‌وی 24 له‌سه‌ر 25 ئه‌م مانگه‌ كه‌سێك به‌ناوی (یه‌شار نیزام) له‌ نزیك پارێزگای كه‌ركوك دو رفێنه‌ر سواری ئۆتۆمبیله‌كه‌ی ده‌بن ‌و به‌ره‌و ناوچه‌ی باروتخانه‌ی پارێزگای كه‌ركوكی ده‌یڕفێنن.

به‌ مه‌به‌ستی به‌دواداچون به‌دوای كێشه‌ی موڵكدارێتی له‌ سنوری پارێزگای كه‌ركوك، ئه‌نجومه‌نی پارێزگای كه‌ركوك هه‌فته‌ی ئاینده‌ وه‌فدێك ره‌وانه‌ی به‌غداد ده‌كات، ئه‌ندامێكی ئه‌نجومه‌نی پارێزگای كه‌ركوكیش ده‌ڵێت: تا ئێستا كه‌متر له‌ 5%ی‌ كێشه‌ موڵكداریه‌تی له‌ سنوری پارێزگای كه‌ركوك چاره‌سه‌ركراون.

له‌هه‌نگاوێكدا بۆ چاره‌سه‌ركردنی كێشه‌كانی موڵكدارێتی له‌پارێزگای كه‌ركوك و هه‌ڵوه‌سته‌كردن له‌سه‌ر ئاسته‌نگه‌كانی پێش چاره‌سه‌ركردنی ئه‌و كێشه‌ كه‌ له‌لایه‌ن ده‌سته‌ی باڵای چاره‌سه‌ركردنی كێشه‌كانی موڵكدارێتی عیراقه‌وه‌ پشتگوێخراوه‌و ئاوڕی لێنه‌دراوه‌ته‌وه‌، رۆژی 25/8 رزگار عه‌لی سه‌رۆكی ئه‌نجومه‌نی پارێزگای كه‌ركوك له‌گه‌ڵ لێپرسراوانی نوسینگه‌كانی ده‌سته‌ی موڵكدارێتی عیراق له‌سنوری پارێزگای كه‌ركوك كۆبووه‌وه‌.

به‌هۆی ڕووداوێكی هاتووچۆ، له‌شاری كه‌ركوك هاوڵاتیه‌ك گیانی له‌ده‌ست دا.
سه‌رچاوه‌یه‌ك له‌ ژووری په‌یوه‌‌ندی هاوبه‌شه‌كانی پۆلیسی كه‌ركوك به‌په‌یامنێری ڕاگه‌یاند:له‌سه‌ر ڕیگای كه‌ركوك دوبز نزیك خاڵی په‌شكنینی حه‌وزی 9 به‌هۆی وه‌رگه‌ڕانی ئۆتۆمبێلێكی جۆری (فورد دبل قماره‌ ) كه‌ سه‌ر به‌به‌رێوه‌به‌رایه‌تی نه‌وتی باكوره‌ شوفیری ئۆتۆمبیله‌كه‌ به‌ناوی (خه‌لیل بكر قادر) گیان له‌ده‌ست دا.

له‌درێژه‌ی ئه‌و هه‌ڵمه‌ته‌ سه‌ربازییانه‌ی بۆ به‌رقه‌راركردنی ئاسایش و ئۆقره‌یی له‌ناوچه‌كانی كه‌ركوك ئه‌نجامده‌درێن، دوای ئه‌وه‌ی له‌ماوه‌ی چه‌ند رۆژی رابردوودا ژماره‌یه‌ك په‌لاماری تیرۆریستی له‌ناو شاری كه‌ركوك ئه‌نجامدران، له‌هه‌ڵمه‌تێكی تری هاوبه‌شی پۆلیس و سوپاو پێشمه‌رگه‌و ئه‌مریكا له‌گوندێكی سه‌ر به‌ناحیه‌ی له‌یلانی پارێزگای كه‌ركوك سێ تیرۆریست ده‌ستگیركران.

ئه‌ندازیار مه‌هدی موباره‌ك به‌ڕێوه‌به‌ری گشتی كستوكاڵی كه‌ركوك ئه‌وه‌ی بۆ PUKmedia ئاشكرا كرد، كه‌ له‌ 50% زه‌وییه‌ كشتوكاڵیه‌كانی كه‌ركوك تائێستا كێشه‌ی    موڵكداریان هه‌یه‌ ئه‌وه‌ش كاریگه‌ری خراپی دروستكردووه‌ بۆ سه‌ر جوتیاران، هه‌روه‌ها وتیشی ئه‌و زه‌ویانه‌ی كه‌ له‌ سنوری كه‌ركوكدا كێشه‌ی موڵكداریان له‌سه‌ره‌ زۆربه‌ی به‌ به‌یار ماوه‌ته‌وه‌ هیچ پرۆژه‌یه‌كی كشتوكاڵی تێدا ناكرێت،

پارله‌مانتارێكی‌ لیستی‌ ئه‌لعێراقییه‌ له‌ شاری‌ كه‌ركوك، له‌به‌رانبه‌ر پشتگوێخستنی‌ داوای‌ عه‌ره‌ب‌و توركمانه‌كانی‌ شاره‌كه‌ بۆ دواخستنی‌ ئه‌نجامدانی‌ سه‌رژمێری‌ دانیشتوان، داوا له‌ وه‌زیری‌ پلاندانان ده‌كات ده‌ست له‌كاره‌كه‌ی‌ بكێشێته‌وه‌.
 پارله‌مانتاری‌ لیستی‌ ئه‌لعێراقییه‌ له‌ شاری‌ كه‌ركوك، عومه‌ر جبوری‌، وتی‌ "داوا له‌ وه‌زیری‌ پلاندانان عه‌لی‌ بابان ده‌كه‌م ده‌ست له‌كاربكێشێته‌وه‌، له‌به‌رئه‌وه‌ی‌ داواكاری‌ عه‌ره‌ب‌و توركمانه‌كانی‌ كه‌ركوكی‌ بۆ دواخستنی‌ سه‌رژمێری‌ دانیشتوان ره‌تكردۆته‌وه‌". وتیشی‌ "ئه‌م هه‌نگاوه‌ عێراق ده‌باته‌ ناو ژماره‌یه‌ك قه‌یرانه‌وه‌ كه‌ كاردانه‌وه‌ی‌ سلبی‌ له‌سه‌ر سه‌قامگیری‌ ئه‌منی‌ ده‌بێت".

فه‌رمانده‌یه‌كی‌ باڵای‌ سوپای‌ ئه‌مریكا ره‌تیده‌كاته‌وه‌ هێزی‌ ئاشتی‌ پارێزی‌ نێوده‌وڵه‌تی‌ له‌ناوچه‌ جێناكۆكه‌كانی‌ نێوان حكومه‌تی‌ هه‌رێم‌و حكومه‌تی‌ ناوه‌ندی‌ عێراق، بڵاوبكرێته‌وه‌.

 جێگری‌ فه‌رمانده‌ سوپای‌ ئه‌مریكا له‌ عێراق ژه‌نه‌راڵ كینس هانزیكه‌ر به‌ رۆژنامه‌ی‌ ئه‌لحه‌یاتی‌ له‌نده‌نی‌ راگه‌یاند "به‌دوری‌ ده‌زانم دوای‌ كشانه‌وه‌ی‌ ته‌واوه‌تی‌ سوپای‌ ئه‌مریكا له‌ساڵی‌ 2011، هێزی‌ نێوده‌وڵه‌تی‌ له‌ناوچه‌ جێناكۆكه‌كان بڵاوبكرێته‌وه‌".