نوری مالیكی و لایەنە سوننە و شیعەكان پاڵپشتی لە هەرێمی كەركوك دەكەن و تاڵەبانیش هەڵوێستی روون نییە و كوردیش رەتی دەكاتەوە.

 سه‌رۆك مام جه‌لال، له‌ڕێوڕه‌سمێكدا له‌كه‌ركوك، تۆڕی كه‌ركوك بۆ رێكخراوه‌كانی كۆمه‌ڵی مه‌ده‌نی یارمه‌تی و كۆمه‌كی دارایی سه‌رۆك مام جه‌لال-ی به‌سه‌ر (400) خێزانی كه‌مده‌رامه‌تی شاری كه‌ركوكدا دابه‌شكرد، كه‌هه‌موو نه‌ته‌وه‌كانی كه‌ركوكی به‌بێ جیاوازی گرته‌وه‌.

 دكتۆر به‌رهه‌م ئه‌حمه‌د ساڵح جێگری‌ سه‌رۆك وه‌زیری‌ عێراق ته‌ئكیدی‌ كرده‌وه‌ هه‌وڵێكی‌ گڵاو هه‌یه‌ بۆ ئه‌وه‌ی‌ ناكۆكی یه‌ سیاسیه‌كانی‌ به‌غدا بگۆڕێت بۆ ململانێی‌ كورد و عه‌ره‌ب..

پاكه‌ر: له‌وانه‌یه‌ به‌ هۆی‌ كه‌ركوكه‌وه‌ شه‌ری‌ ناوخۆ له‌ عراق دروست ببێت
سایتی‌ چاودێر جۆرج پاكه‌ر سیاسه‌تمه‌داری‌ ناسراوی‌ ئه‌مریكی له‌ وتارێَكی‌ دا ته‌ئكیدی‌ كردۆته‌وه‌ كه‌ شاری‌ كه‌ركوك به‌ هۆی‌ سامانی‌ نه‌وت و بونی‌ چه‌ند پێ:هاته‌یه‌كی‌ ركابه‌ر ره‌نگه‌ ببێته‌ هۆی‌ دروست بونی‌ شه‌ڕی‌ ناوخۆ

  حسێن عه‌لی‌ ساڵح سه‌رۆكی‌ كوتله‌ی‌ یه‌كگرتووی‌ عه‌ره‌بی له‌ كه‌ركوك ته‌ئكیدی‌ كرده‌وه‌ لایه‌نه‌ عه‌ره‌بیه‌كانی‌ كه‌ركوك قایل نابن به‌ گفتوگۆ له‌گه‌ڵ هیچ لایه‌نێكی‌ دیكه‌ سه‌باره‌ت به‌ ره‌ت كردنه‌وه‌ی‌ ئه‌نجومه‌نه‌كانی‌ ئیسناد، داواشی‌ كرد كه‌ دروست كردنی‌ ئیسناد دوابخرێت بۆ كاتێكی‌ تر

 مه‌حمود عوسمان په‌رلمانتاری‌ عێراق له‌سه‌ر لیستی‌ هاوپه‌یمانی‌ رایگه‌یاند: پێكهاته‌ عه‌ره‌ب و توركمانه‌كانی‌ شاری‌ كه‌ركوك جدی‌ نین له‌ باره‌ی‌ ده‌ستبه‌كاربونی‌ لیژنه‌ی‌ به‌دواداچونی‌ راستییه‌كان له‌و پارێزگایه‌.

 ناكۆكییەكانی نێوان سەرۆك وەزیرانی عێراق مالیكی و كورد تووندتر بووەتەوە و گەیشتۆتە رادەی شەڕەقسە.
ناكۆكییەكان لە كێشەی جێبەجێ نەكردنی ماددەی 140 و گرێبەستە نەوتییەكان و بەركەوتی هەرێمی كوردستان لە بودجەی گشتی وڵات و بوودجەی پێشمەرگەوە دەستی پێكرد و دوایی لەسەر كێشەی خانەقین پەرەی سەند و ئێستاش لەسەر بانگهێشتی مالیكی بۆ چاوخشاندنەوەی بەدەستوور و بەهێزتر كردنی دەسەڵاتی حكومەتی مەركەزی لەسەر حیسابی دەسەڵاتی هەرێم و پارێزگاكان

 فه‌رید ئه‌سه‌سه‌رد:
پاش سه‌ردانه‌كه‌ی ئه‌م دواییه‌ی سه‌رۆك تاڵه‌بانی بۆ كه‌ركوك و كۆبوونه‌وه‌ی له‌گه‌ڵ توركمانه‌كاندا، هه‌ردوو زمانی توركمانی و سریانی وه‌ك دوو زمانی ره‌سمیی دانپێدانراو له‌كه‌ركوك مامه‌ڵه‌یان له‌گه‌ڵدا كراو له‌(24)ی مانگ به‌دواوه‌ تابلۆ ره‌سمییه‌كان به‌هه‌ر چوار زمانی كوردی و عه‌ره‌بی و توركمانی و سریانی له‌سه‌ریان نووسرا.

 لەلێدوانێكدا ئەندامی نووسینگەی كەركووكی مادەی 140 و ئەندامی ئەنجوومەنی پارێزگای شارەكە تەحسین كەهییە پێشبینی كرد لێژنەی بەدواداچوونی راستییەكانی كەركووك درەنگ بگاتە شار بەمەبەستی هەڵسەنگاندن و دیراسەكردنی بارودۆخەكان لەشاری كەركووك، ناوبراو هۆكاری دواكەوتنەكەشی بۆ ئەوە گەڕاندەوە كە تاوەكو ئێستا ئەنجوومەنی نوێنەرانی عێراق سەرقاڵە بە رێككەوتننامەی كشانەوەی هێزەكانی ئەمەریكا و دەست لەكاركێشانەوەكەی سەرۆكی پەرلەمان مەحمود مەشهەدانی و چەندین پرس و تەوەری دیكەی ناو پەرلەمان، كەهییە ئەوەشی راگەیاند دواكەوتنی لێژنەكە لەبەرژەوەندی پرسى كەركووك دانییە.

F Golan --A

 رۆژنامه‌ی‌ زه‌مان بڵاوی‌ كرده‌وه‌ نوری‌ مالكی‌ سه‌رۆك وه‌زیری‌ عێراق له‌ كۆبونه‌وه‌كه‌ی‌ دا له‌گه‌ڵ سه‌رۆك تاله‌بانی‌ رایگه‌یاندوه‌ هیچ كه‌س ئه‌وه‌ قبول ناكات كوردستان ده‌ست به‌سه‌ر موسل دا بگرێت و به‌ره‌و كه‌ركوك و دیاله‌ بكشێت .
ئه‌و رۆژنامه‌یه‌ رایگه‌یاندوه‌ سه‌رۆك تاله‌بانی‌ ، نوری‌ مالكی‌ دلنیا كردۆته‌وه‌ له‌وه‌ی‌ كه‌ له‌ كۆبونه‌وه‌ی‌ دوكان باس له‌ له‌سه‌ركارلابردنی‌ نه‌كراوه‌ و نیازیشیان نی یه‌ كه‌سێك له‌ جێگه‌ی‌ ئه‌و دابنێن .

 به‌رهه‌م ئه‌حمه‌د ساڵح جێگری‌ سه‌رۆك وه‌زیرانی‌ عێراق هۆشیاریدا له‌به‌رامبه‌ر ئه‌و هه‌وڵانه‌ی‌ كه‌ به‌ وته‌ی‌ خۆی‌ پیس و ترسناكن و ده‌بنه‌هۆی‌ گۆڕینی‌ ناكۆكییه‌كانی‌ ئێستا بۆ دابڕانی‌ په‌یوه‌ندییه‌كانی‌ نێوان كورد و عه‌ره‌ب و دروستبونی‌ گرژی‌ و ئاڵۆزی‌ زیاتر.

 دوابەدوای سەردانەكانی بۆ شاری كەركووك و دیدارو چاوپێكەوتنەكانی بەبەرپرسانی پێكهاتە جیاجیاكانی شارەكە سەرۆك كۆماری عێراق جەلال تاڵەبانی سەردانی سەرۆك وەزیرانی عێراقی نوری مالیكی كرد، لەدانیشتنێكی دوو قۆڵیدا هەردوولا تاوتوێی چەندین پرس و تەوەریان كرد بەتایبەت ئەنجامی سەردانەكەی تاڵەبانی بۆ شاری كەركووك و دوا پێش كەوتنەكانی پرۆسەی سیاسی لە عێراق، لەلای خۆیەوە مالیكی بڕیاری دا سەردانی هەرێمی كوردستان بكات.

F.Golan..A

 ئێواره‌ی 27/12 مام جه‌لال سه‌رۆك كۆماری عیراق سه‌ردانی نوری مالكی سه‌رۆك وه‌زیرانی كردو له‌كۆبوونه‌وه‌یه‌كدا هه‌ردوولا باسیان له‌دوایین پێشهاته‌ سیاسییه‌كانی عیراق و ناوچه‌كه‌ كرد.
سه‌رۆك تاڵه‌بانی ئاكامی سه‌ردانه‌كه‌ی بۆ كه‌ركوك و كۆبوونه‌وه‌ی له‌گه‌ڵ نوێنه‌رانی پێكهاته‌ جیاوازه‌كانی ئه‌وشاره‌ خسته‌ڕوو و داوای له‌ سه‌رۆك وه‌زیری عیراق كرد گرنگی زیاتر به‌ كه‌ركوك بدرێت و پێداویستی و داخوازییه‌كانی خه‌ڵكی شاره‌كه‌ له‌به‌رچاو بگیرێت.

 سه‌رچاوه‌یه‌كی ئه‌منی عێراقی رایگه‌یاند، له‌ هه‌ڵمه‌تێكی ئه‌منیدا له‌ كه‌ركوك، توانراوه‌ شه‌ش چه‌كدار ده‌ستگیربكرێن كه‌ یه‌كێكیان شۆفێری "عه‌لی كیمیاوی" بووه‌.
له‌مباره‌یه‌وه‌ سه‌رچاوه‌یه‌كی ئه‌منی عێراق له‌ كه‌ركوك رایگه‌یاند، به‌ره‌به‌یانی ئه‌مڕۆ و له‌ هه‌ڵمه‌تێكدا كه‌ هێزه‌ ئه‌منیه‌كانی ئه‌و شاره‌ بۆسه‌ر پێگه‌ی چه‌كداران ئه‌نجامیاندا، توانیویانه‌ شه‌ش چه‌كدار ده‌ستگیر بكه‌ن.

 له‌ هه‌ڵمه‌تێكی‌ هێزه‌كانی‌ پۆلیسی‌ كه‌ركوك و سوپای‌ عێراق و هێزه‌كانی‌ فره‌ڕه‌گه‌ز له‌ سه‌ر رێگای‌ دوز-كه‌ركوك، دو كه‌س ده‌ستگیر كران كه‌سه‌ر به‌ گروپه‌ چه‌كداره‌ توندڕه‌وه‌كان بون.
له‌وباره‌یه‌وه‌ سه‌رچاوه‌یه‌ك له‌ ئاسایشی‌ كه‌ركوك به‌ سبه‌ی‌ راگه‌یاند: له‌ هه‌ڵمه‌تێكی‌ گه‌ڕان و پشكنیندا هێزه‌كانی‌ پۆلیسی‌ كه‌ركوك به‌ هه‌ماهه‌نگی‌ له‌گه‌ڵ هێزه‌كانی‌ سوپای‌ عێراق و هێزی‌ فره‌ڕه‌گه‌ز،