ئه‌مڕۆ 1/9 له‌دیوانی پارێزگای كه‌ركوك، له‌كۆنگره‌یه‌كی تایبه‌تدا پڕۆژه‌ی پاككردنه‌وه‌ی شاری كه‌ركوك  بۆ جاری دووه‌م راگه‌یاندرا كه‌ له‌لایه‌ن ئه‌نجومه‌نی پارێزگای كه‌ركوكه‌وه‌  برِی (12) ملیار دیناری بۆ ته‌رخانكراوه‌.

بۆ به‌دواچوونی كێشه‌كانی موڵكدارێتی له‌پارێزگای كه‌ركوك، رۆژی 30 و 31/8 وه‌فدێكی ئه‌نجومه‌نی پارێزگای كه‌ركوك به‌نوێنه‌رایه‌تی هه‌موو پێكهاته‌كانی كه‌ركوك  سه‌ردانی  شاری به‌غدای كردو له‌گه‌ڵ لایه‌نه‌ كاربه‌ده‌سته‌كانی حكومه‌تی عیراقی فیدراڵ بۆ چاره‌سه‌ركردنی كێشه‌ی موڵكدارێتی كۆبووه‌وه‌.
له‌باره‌ی ئه‌نجامی سه‌ردانه‌كه‌یانه‌وه‌ بۆ به‌غدا رزگار عه‌لی سه‌رۆكی وه‌فده‌كه‌  به‌ PUKmedia ی راگه‌یاند:

دوای ئه‌وه‌ی به‌ره‌به‌یانی ئه‌مڕۆ 1/9  له‌ڕوداوێكی دڵته‌زێندا له‌شاری كه‌ركوك، ئاشنا مه‌لا محێدین لێپرسراوی كۆمیته‌ی رێكخستنی  ئیمام قاسمی ی.ن.ك شه‌هیدكرا، هێزه‌كانی ئاسایشی كه‌ركوك ده‌ستبه‌جێ توانییان بكوژانی ئاشنا مه‌لا محێدین بدۆزنه‌وه‌و ده‌ستگیریان بكه‌ن كه‌ له‌4 كه‌س پێكهاتبوون.
پاش ئه‌وه‌ی له‌ڕوداوێكی دڵته‌زێندا له‌شاری كه‌ركوك ئاشنا مه‌لا محێدین لێپرسراوی كۆمیته‌ی رێكخستنی ئیمام قاسمی ی.ن.ك شه‌هیدكرا، هه‌ر ئه‌مڕۆ له‌مه‌راسیمێكی شایسته‌دا كه‌به‌ئاماده‌بوونی ره‌فعه‌ت عه‌بدوڵڵا ئه‌ندامی مه‌كته‌بی سیاسی و سه‌رپه‌رشتیاری مه‌ڵبه‌ندی رێكخستنی كه‌ركوك و ژماره‌یه‌كی دیكه‌ له‌لێپرسراوانی حزبی و حكومی كه‌ركوك و كه‌سوكارو بنه‌ماڵه‌ی تێكۆشه‌ری ئه‌و شه‌هیده‌و جه‌ماوه‌رێكی زۆری شاری كه‌ركوك، ته‌رمی شه‌هید ئاشنا مه‌لا محێدێن  له‌گۆرِستانی شێخ محێدینی كه‌ركوك به‌خاكسپێردرا.

به‌نوسراوی ژماره‌ 299 ی ده‌زگای زیندانه‌ سیاسییه‌كانی عیراق بڕیاردرا به‌ تێكه‌ڵكردنه‌وه‌ی دوانزه‌ به‌ڕێوه‌به‌رایه‌تی زیندانی سیاسی له‌عیراقدا، كه‌ركوكیش یه‌كێكه‌ له‌و به‌ڕێوه‌به‌رایه‌تیانه‌ كه‌ تێكه‌ڵ به‌یه‌كترده‌كرێنه‌وه‌، له‌به‌رامبه‌ردا به‌ڕێوه‌به‌رایه‌تی دووی زیندانه‌ سیاسییه‌كانی كه‌ركوكیش بڕیاری تێكه‌ڵكردنه‌وی به‌ڕێوه‌به‌رایه‌تییه‌كه‌یان به‌ لێسه‌ندنه‌وه‌ی ده‌سه‌ڵات ده‌زانێت له‌كورد له‌و به‌ڕێوه‌به‌رایه‌تییه‌دا.

به‌بڕی 20 ملیار دینار پرۆژه‌ی به‌یه‌كتر به‌ستنه‌وه‌ی كاره‌بای هه‌رسێ پارێزگاكانی (كه‌ركوك و موسڵ و هه‌ولێر) ته‌واوكرا و بڕیاره‌ له‌ كۆتایی ئه‌مساڵدا ئه‌و پرۆژه‌یه‌ بكه‌وێته‌كار.
یاڵچین مه‌هدی به‌ڕێوه‌به‌ری كاره‌بای كه‌ركوك به‌ PUKmedia ی راگه‌یاند: پرۆژه‌ی به‌یه‌كتربه‌ستنه‌وه‌ی وێستگه‌ی كاره‌باكانی كه‌ركوك، موسڵ، هه‌ولێر له‌سه‌ره‌تای ساڵی 2007 ه‌وه‌ كاری تێداده‌كرێت و بڕی پاره‌ی ته‌رخانكراو بۆ ئه‌و پرۆژه‌یه‌ كه‌ درێژییه‌كه‌ی 201 كیلۆمه‌تره‌ 20 ملیار دینار بووه‌.

 پارێزگاری که‌رکوک "عه‌بدولڕه‌حمان مسته‌فا" خه‌ڵاتی به‌سه‌ر قوتابییه سه‌رکه‌وتووکانی ئه‌مساڵی خویندنی پارێزگای که‌رکوکدا دابه‌ش کرد.

له‌مباریه‌وه‌ "فه‌وزیه‌ عه‌بدوڵڵا" جێگری به‌ڕێوه‌به‌ری په‌روه‌رده‌ی که‌رکوک به په‌یامنێری راگه‌یاند: ئه‌مڕۆ پارێزگاری که‌رکوک عه‌بدولڕه‌حمان مسته‌فا" خه‌ڵاتی به‌سه‌ر 30قوتابیی کورد وعه‌ره‌ب و تورکمان که‌ ئه‌مساڵ خوێندنیان به سه‌رکه‌وتوویی ته‌واو کرد له‌ هه‌موو قۆناغه‌کانی خوێندندا، دابه‌ش کرد.

وا بڕیاره‌ له‌ 24ی ئۆكتۆبه‌ردا پرۆسه‌ی سه‌رژمێریی له‌ سه‌رجه‌م پارێزگاكانی عیراقدا ئه‌نجام بدرێت، به‌ڵام سه‌رژمێریی كه‌ركوك گرنگی تایبه‌تی خۆی هه‌یه‌ بۆ سه‌لماندنی كوردستانیبوونی كه‌ركوك، چونكه‌ له‌ سه‌رژمێریی نوێدا هه‌موو نه‌ته‌وه‌ و كه‌مایه‌تییه‌كان، ژماره‌ و قه‌باره‌ی ڕاسته‌قینه‌ی خۆیان ده‌زانن. سه‌رجه‌م ئه‌و سه‌رژمێرییاریانه‌ی كه‌ ئه‌نجام دراوه‌ لێڵی و نادروستی پێوه‌ دیاربووه‌ و ڕژێمه‌ یه‌ك له‌دوا یه‌كه‌كانی عیراق وه‌ك چه‌كێكی ڕامیاری له‌ دژی گه‌لی كوردستان به‌كاری هێناوه‌ و هه‌میشه‌ نه‌ك ده‌ستكاری ئاماره‌ فه‌رمییه‌كانی كردووه‌، به‌ڵكو ئێزدی و شه‌به‌ك-یشی به‌ عه‌ره‌ب هه‌ژمار كردووه‌.

ئاماده‌يی چاخی نمونه‌یی له‌شاری كه‌ركوك بۆ ساڵی خوێندنی 2009- 2010 له‌سه‌ر ئاستی عیراق پله‌ی یه‌كه‌می له‌ وانه‌ی ئینگلیزیدا به‌ده‌ستهێنا.
پارێزگاری كه‌ركوكیش خه‌ڵاتی رێزلێنانی به‌خشی به‌ به‌ڕێوه‌به‌رو مۆستایان و خوێندكاره‌ سه‌ركه‌وتووه‌كانی ئه‌و خوێندنگه‌یه‌و هه‌وڵ و ماندوبوونی مامۆستایانی خوێندنگه‌كه‌شی به‌رزنرخاند كه‌ ئه‌و خزمه‌ته‌ گه‌وره‌یه‌یان پێشكه‌ش به‌ شاری كه‌ركوك كردووه‌و توانیویانه‌ ئه‌و سه‌ركه‌وتنه‌ مه‌زنه‌ بۆشاری كه‌ركوك له‌بواری په‌روه‌رده‌دا تۆمار بكه‌ن.

له‌كۆبوونه‌وه‌ی هه‌فتانه‌ی ئه‌نجومه‌نی پارێزگای كه‌ركوكدا بڕیاردرا وێستگه‌یه‌كی به‌رهه‌مهێنانی كاره‌با بۆ كه‌ركوك له‌سه‌ر داهاتی پترۆ دۆلار جێبه‌جێ بكرێت.
ئه‌م بڕیاره‌ له‌كۆبونه‌وه‌ی ئه‌نجومه‌نی پارێزگای كه‌ركوكدا هات كه‌ رۆژی 31/8 به‌سه‌رۆكایه‌تی رێبوار تاڵه‌بانی جێگری سه‌رۆكی ئه‌نجومه‌نه‌كه‌ به‌ڕێوه‌چوو.

پارێزگاری كه‌ركوك ته‌ئكیدیكرده‌وه‌ كه‌پێویسته‌ وه‌زاره‌تی كاره‌بای عیراق بڕه‌ پێوێستی كاره‌بای شاره‌كه‌ دابین بكات، بۆئه‌وه‌ی بتوانن پێویستیی هاوولاتیانی شاره‌كه‌ له‌ڕووی پێدانی كاره‌بای نیشتمانییه‌وه‌ دابینبكه‌ن، ئه‌م هه‌ڵوێسته‌ش له‌به‌رامبه‌ر ئه‌وه‌دا هات كه‌ كه‌ركوك ئه‌م هاوینه‌ی به‌بێ كاره‌با برده‌سه‌ر.