له‌دوای پڕۆسه‌ی ئازادی عیراق ژماره‌یه‌كی زۆر له‌ كۆمپانیا بیانییه‌كان له‌ كێبڕكێی ئه‌وه‌دان په‌ره‌ به‌بواری ده‌رهێنانی نه‌وت بده‌ن به‌ تازه‌ترین ته‌كنیك.

شه‌وی رابردوو له‌ گه‌ره‌كی باروتخانه‌ی شاری كه‌ركوك، چه‌ند چه‌كدارێك هه‌ڵده‌كوتنه‌ سه‌ر ماڵێك و كچێكی ئه‌ندامی ئه‌و خێزانه‌ ده‌كوژن، له‌ گه‌ره‌كی عروبه‌ی شاری كه‌ركوكیش ته‌رمی گه‌نجێكی توركمان دۆزایه‌وه‌ كه‌ پێشتر رفێندرابوو.

سه‌ڕه‌اری بوونی چه‌ندین ئۆفیسی ده‌سته‌ی چاره‌سه‌ركردنی كێشه‌ی موڵكداری و خانووبه‌ر له‌ كه‌ركوك و قه‌زاو ناحیه‌كانی ده‌وربه‌ری به‌ڵام تاكو ئیستا ته‌نها 10% له‌ كێشه‌ی زه‌وی كشتوكاڵی چاره‌سه‌ر كراوه‌ له‌و باره‌وه‌ ئه‌ندازیار مه‌هدی موباره‌ك به‌ڕێوه‌به‌ری كشتوكاڵی كه‌ركوك به‌ سایتی واڵاپرێسی راگه‌یاند

له‌كۆبونه‌وه‌یه‌كدا له‌شاری كه‌ركوك بریاردرا له‌سه‌ر رێگه‌نه‌دان به‌و خه‌ڵكانه‌ی ماوه‌یه‌كه‌ له‌ناوچه‌كانی خواروو و ناوه‌راستی عیراقه‌وه‌ به‌بێ پرسی ده‌زگا ئیداری و ئه‌منیه‌كانی كه‌ركوك روو له‌شاره‌كه‌ ده‌كه‌ن و نیشته‌جێده‌بن.

سه‌رۆكی‌ هه‌رێمی كوردستان رایگه‌یاند كورد پێداگری‌ له‌ پێكهێنانی‌ حكومه‌تێكی‌ شه‌راكه‌تی‌ نیشتیمانی‌ له‌عیراق ده‌كات به‌بێ‌ په‌راوێزخستنی‌ هیچ لایه‌نێك، ئاماژه‌ی‌ به‌وه‌شدا كه‌ جێبه‌جێكردنی‌ ده‌ستور‌و ماده‌ی‌ 140 وپرسی‌ پێشمه‌رگه‌‌و یاسای‌ نه‌وت‌و غاز و ئه‌نجامدانی‌ سه‌رژمێری‌ بنه‌مای‌ گفتوگۆكانی‌ لایه‌نی‌ كوردستانییه‌ له‌گه‌ڵ لایه‌نه‌كانی‌ دیكه‌ی‌ عیراق.

دوای ئه‌وه‌ی برِیار درا فرۆشیارانی سه‌ر پردی خاسه‌ى كه‌ركوك لاببرێن و كوَشكیان پێ بدرێت، بۆ ئه‌و مه‌به‌سته‌ش تیروپشكێك ئه‌نجامدرا، به‌ڵام ئه‌و تیروپشكه‌ بووه‌ هۆی نارِه‌زایی فرۆشیاره‌كان و بۆ ماوه‌ی دوو رۆژ خۆپیشاندان كرا، ئه‌وه‌ش به‌هۆی ئه‌وه‌ی فرت و فێڵ كراوه‌ له‌ قورعه‌كه‌دا، له‌ ئێستاشدا قورعه‌كه‌ دووبار كرایه‌وه‌.

عه‌ره‌به‌كانی‌ كه‌ركوك له‌باره‌ی‌ هه‌ڵبژاردنی‌ ئه‌نجومه‌نی‌ پارێزگای‌ شاره‌كه‌وه‌ به‌سه‌ر دوو بۆچوونی‌ جیاوازدا دابه‌ش بوون‌و به‌شێكیان له‌گه‌ڵ ئه‌وه‌دان به‌زوویی‌ ئه‌نجام بدرێت‌و به‌شێكی‌ دیكه‌یان پێیان وایه‌ تا ماده‌ی‌ (23) جێبه‌جێ نه‌كرێت نابێت هه‌ڵبژاردن بكرێت.

حكومەتی هەرێمی كوردستان رای گەیاند داواكاریی ئەنجوومەنی سیاسیی عەرەبی لە كەركووك بۆ ئەنجام نەدانی سەرژمێری لە كەركووك نا یاسایییە و قبووڵی ناكەین دوا بخرێت..

ئاڵا تاڵه‌بانی ته‌ئكیدی له‌سه‌ر كاراتركردنی رۆڵی رێكخراوه‌كانی كۆمه‌ڵی مه‌ده‌نی كه‌ركوك بۆ پته‌كردنی گیانی برایه‌تی و پێكه‌وه‌ژیانی ئاشتیانه‌ له‌نێوان نه‌ته‌وه‌كانی كه‌ركوكدا كرده‌وه‌.  رۆژی 2/8 له‌شاری كه‌ركوك ئاڵا تاڵه‌بانی ئه‌ندامی سه‌ركردایه‌تی ی.ن.ك و لێپرسراوی بۆردی رێكخراوه‌كانی كۆمه‌ڵی مه‌ده‌نی له‌مه‌كته‌بی رێكخراوه‌ دیموكراتیه‌كان له‌گه‌ڵ نوێنه‌ری رێكخراوه‌كانی كۆمه‌ڵی مه‌ده‌نی كه‌ركوك و تۆڕی رێكخراوه‌كانی كۆمه‌ڵی مه‌ده‌نی له‌كه‌ركوك كۆبووه‌وه‌ كه‌نوێنه‌رایه‌تی 120 رێكخراوی كۆمه‌ڵی مه‌ده‌نی له‌شاره‌كه‌ ده‌كات.

ئه‌مرِۆ 2 / 8 دوا رۆژی پرۆسه‌ی گه‌مارۆ و ژماره‌دان ده‌بێت و هه‌موو كاره‌كانی پرۆسه‌ی سه‌رژمێری گشتی ئاماده‌یه‌ و له‌ ئێستادا ته‌نها چاوه‌رِێی كات ده‌كه‌ین.

عه‌دنان ره‌زا به‌رِێوه‌به‌ری سه‌رژمێری كه‌ركوك بۆ هه‌واڵ وتی:

ئه‌دمیرال (مایك مۆلن) سوپا سالاری هێزه‌كانی ئه‌مریكا له‌ لێدوانێكی سێ شه‌ممه‌ی رابردوودا ته‌ئكید له‌وه‌ ده‌كاته‌وه‌ سوپای ئه‌مریكا پابه‌نده‌ به‌وه‌ی له‌واده‌ی دیاریكراوی خۆیدا له‌كۆتایی ساڵی (2011)دا له‌عێراق بكشێته‌وه‌ له‌شاری كه‌ركوكیشه‌وه‌ ،

دوای بڵاوكردنه‌وه‌ی هه‌واڵی دامه‌زراندنی (466) چه‌كداری سه‌حوه‌ له‌ دامه‌زراوه‌كانی به‌ڕێوه‌به‌رێتی ته‌ندروستی كه‌ركوك له‌ (هه‌واڵ)دا ، سه‌رچاوه‌یه‌كی ئاگادار به‌(هه‌واڵ)ی راگه‌یاند ژماره‌ی دامه‌زراندنی سه‌حوه‌كان زۆر له‌وه‌ زیاتره‌ له‌ (هه‌واڵ)دا بڵاوكراوه‌ته‌وه‌و هه‌موو دامو ده‌زگا گرنگ‌و هه‌ستیاره‌كانی شاره‌كه‌یش ده‌گرێته‌وه‌ ، سه‌رچاوه‌كه‌ ته‌ئكید ده‌كاته‌وه‌ كه‌ به‌فه‌رمانی ئه‌مانه‌تی ئه‌نجومه‌نی وه‌زیرانی عێراق ، ده‌بێ له‌شاری كه‌ركوكدا (5218) چه‌كداری سه‌حوه‌ دابمه‌زرێنرێن كه‌ سه‌رجه‌میان خه‌ڵكی حه‌ویجه‌و گونده‌كانی ده‌وروبه‌رین (عه‌ره‌بی سوننه‌ن) .

به‌پێی رێكه‌وتنێكی نێوان گروپی عه‌ره‌بی و سوپای ئه‌مریكا بۆ ئازادكردنی ئه‌و كه‌سانه‌ی كه‌ له‌لایه‌ن سوپای ئه‌مریكاوه‌ ده‌ستگیركراون به‌مه‌به‌ستی ئازادكردنیان، ئه‌و بڕیاره‌ش نزیكه‌ی دوو ساڵه‌ رێكه‌وتنی له‌سه‌ر كراوه‌ و تا ئێستا (235) كه‌س ئازادكراوه‌ و له‌و ژماره‌یه‌ (2) توركمان و (2) كوردی تێدایه‌.

 له‌ سه‌ره‌تای ساڵی 2010 وه‌، تا ئێستا 60 كه‌س به‌تۆمه‌تی به‌كارهێنانی ماده‌ی هۆشبه‌ر ده‌ستگیر ده‌كرێن، سه‌رچاوه‌یه‌كیش له‌ به‌شی ماده‌ هۆشبه‌ره‌كان له‌ناو به‌ڕێوه‌به‌رایه‌تی پۆلیسی كه‌ركوك رایده‌گه‌یه‌نێت زۆربه‌ی ئه‌و كه‌سانه‌ی ده‌ستگیركراون له‌ نه‌ته‌وه‌ی عه‌ره‌بن.